Kryeministri Edi Rama në konferencën për shtyp në Bruksel për konferëncën e Parë ndërqeveritare që çel negociatat e anëtarësimit në Bashkimin Europian, foli edhe për raportin e Dick Marty, për trafikim organesh në luftën në Kosovë. Rama tha se Këshilli i Europës duhet të kërkojë falje.
“Kjo është një faqe turpi e Këshillit të Europës dhe duhet të gjejë kurajon të dalë përballë e të thotë “na falni”. Institucione kaq demokratike nuk mund ta bëjnë diçka të tillë në një vend që gjëra të tmerrshme kanë ndodhur.
Është e pamundur të akuzosh një popull të tërë që u çlirua nga bashkëpunimi i NATO-s dhe vendeve demokratike kundër makinerisë së Slobodan Millosheviçit dhe të hidhen në thellësinë më të madhe të plehrave gazetareske”.