Kryeministri Edi Rama në ceremoninë e ngritjes së flamurit të BE-së në godinën e Kryeministrisë, tha se do të kishte dashur që të ishte edhe opozita, por që ata sipas kryeministrit janë në një hendek që bie ndesh me frymën dhe logjikën e BE-së. Mungesa e opozitës ishte edhe ditën e djeshme në Bruksel, ku u mbajt konferenca e parë ndërqeveritare.
“Do të kisha dashur shumë që sot të ishte këtu dhe opozita, pasi jo gjithçka që është arritur në këtë vulë të gjatë mban vulën e palës sonë, pasi ky nivel i ri marrëdhëniesh kërkon edhe një nivel të ri marrëdhëniesh mes qeverisë dhe opozitës.
Sot opozita ndodhet në një hendek të madh mes një pjesë të identifikuar me gjithçka bie ndesh me frymën dhe logjikën e Bashkimit Europian që nga minimi i demokracisë dhe korrupsioni dhe një pjesë tjetër e cila nuk është damkosur, por edhe po i ftove nuk vijnë se kanë frika nga e para”.