Presidenti i Ukrainës, Volodymyr Zelensky ka zhvilluar një bisedë telefonike me homologun e tij brazilian, Jair Bolsonaro.
Zelensky i tha Bolsonaros se ai donte “mbështetje” nga Brazili, dhe se nuk e mbështet “pozicionin e neutralitetit” në luftën në Ukrainë.
“Nuk mund të jesh diku në mes…Unë nuk e mbështes një qëndrim të tillë. I thashë presidentit për këtë”, shtoi ai.
Që nga fillimi i pushtimit, Bolsonaro ka shmangur dënimin e agresionit rus ose sanksionimin e Rusisë.
“Presidenti i Brazilit më tha se ai mbështet Ukrainën, sovranitetin e saj, por Brazili mban një pozicion neutraliteti”, tha më tej Zelenskyy.