Kjo seancë plenare, e cila është edhe e fundit, ka pafund replika dhe tensione mes palëve. Kryetari i PD-së Sali Berisha mori fjalën për ti kthyer përgjigje kryeministrit Edi Rama, por kryetarja e Kuvendit i mbylli audion dhe nuk u dëgjua, edhe pse mes tij dhe Ramës pati replika disa minuta.
Edi Rama: Historia të del përpara. Ju thotë jeni të padëshirueshëm. Mbaroj historia jote, ik tani! Çoi naftë Millos atje. E bëtë Hashim Thaçin terrorist. Ktheve Shqipërinë në pronë private por të vjen historia përpara. Ja si vjen, si nisi kjo punë. Paska nis nga Kremlini dhe na e paskan votuar këta. Asnjë fjalë për Dick Martyn. Ju jeni gati të shkoni në Këshill të Evropës të thoni shqiptarët janë mafie. Ndërkohë që ju përpiqeni ta shpëtoni, dilni non-grata dhe të padëshirueshëm. Së shpejti vjen gjëja, opa afrohet dhe pastaj vjen këtu. Ju do luftoni për sovranitetin për ta përdorur flamurin e Shqipërisë si leckë si gjethe fiku.
Sali Berisha: Kur ky hallazi 2 metra i gjatë shiste ikona të vjedhura, Kosova mbulohej me gjakun e bijve të saj, kur ky mbahej me ikonat e vjedhura që shiste në Paris.