Një vatër zjarri ka shpërthyer në pyllin me pisha në Kodër Krastë të Elbasanit. Në vendin e ngjarjes kanë shkuar menjëherë zjarrfikësit dhe policia.
Vatra është vënë nën kontroll dhe po punohet për fikjen e zjarrit. Korrenspondenti i Klan News në Elbasan, Fatos Salliu, raporton se shkak i zjarrit dyshohet të kenë qenë qirinjtë e ndezur në ‘Vendin e Mirë’ në Krastë.
Duket se era dhe thatësira kanë ndihmuar që flaka e qiriut të përhapet dhe të provokojë zjarr.
Deri më tani Elbasani ka qenë një nga qarqet që ka pasur më pak vatra zjarri. Gjithsesi rreziku mbetet potencial për shkak të temperaturave të larta dhe thatësirës.