Gazetari Artan Hoxha tha në studion e emisionit “Të Paekspozuarit” se pas sulmit kibernetik, pritet që qeveria shtojë fondet për AKSHI-n, i cili deri tani nuk ka bërë transparencë për rastin. Sipas dokumenteve që u shqyrtuan në studio, përgjatë tre viteve të fundit, totali i prokurimeve të AKSHI-t arrin mbi 100 milionë euro.
“Tani shteti do të hedhë më shumë para te AKSHI. Prandaj AKSHI nuk flet. Vetëm 2019-2022 numri i prokurimeve ka qenë 162, shuma total 13 miliardë lekë. I bie 100 e ca milionë euro që janë hedhur. Gati gati sa te inceneratorët”, tha Hoxha.