Pasi firmosi me Djuriç, Henry e Piccoli, Verona ka kompletuar repartin e sulmit dhe tani është në pritje për të shituar goleadorin e sezonit të kaluar, argjentinasin Giovanni Simeone.
Napoli është skuadra që ka bërë hapa konkretë përpara për të marrë shërbimet e 27-vjeçarit, që përgatitet për të luajtur sezonin e 7 në Serinë A, këtë herë në një ekip që pretendon të arrijë minimalisht zonën Champions. Napoli ka arritur marrëveshjen me sulmuesin dhe po negocion me klubin e Veronës, që synon të arkëtojë sa më shumë para nga kartoni i argjentinasit.
Simeone pritet të jetë zëvendësuesi i parë i Osimhen dhe pas transferimit të tij në Napoli, do të’i hapet udha largimit të Andrea Petagnës, sulmues që kërkohet me ngulm nga Monza e sapo-ngjitur në Serinë A.