Një kameriere në një restorant në qytetin amerikan të Pensilvanisë nuk iu besonte dot syve kur mori 3000 dollarë bakshish për një faturë prej 13 dollarësh.
Mariana Lambert u befasua nga “bakshishi” prej 3000 dollarësh nga një klient jashtë qytetit.
Ajo tha se tani do të mund të shlyejë disa fatura dhe ndoshta të kalojë disa ditë pushimi me familjen e saj.
“Nuk e besoj dot, jam ende ne shok për atë që më ndodhi. Jam shumë lumtur, pasi po kaloja një vështirësi financiare.”
Menaxheri i kafenesë, Matt Martini tha se ai foli me klientin, Eric Smith, i cili shpjegoi se ndodhej jashtë qytetit dhe se e dinte se çfarë po bënte.