Situata me zjarret është e rëndë kudo. Një gjendje e jashtëzakonshme është shpallur në një pjesë të Kalifornisë pasi zjarri më i madh aktiv në SHBA po përhapet me shpejtësi pranë Parkut Kombëtar Yosemite.
Më shumë se 6,000 njerëz janë evakuuar dhe 10 shtëpi janë shkatërruar. “Përhapja e zjarrit shpërthyes po sfidon zjarrfikësit”, tha departamenti i zjarrit i Kalifornisë.
Gjendja e jashtëzakonshme, e cila është shpallur në qarkun Mariposa, do t’i lejojë shtetit të aksesojë disa ndihmë federale për të trajtuar zjarret. Rreth 400 zjarrfikës dhe katër helikopterë janë vendosur për të shuar flakët. Natasha Fouts, një zëdhënëse e CalFire, tha se zyrtarët nuk presin që ta kontrollojnë zjarrin deri në javën e ardhshme.