Prej 5 muajsh vendi po bombardohet nga Rusia, por presidenti ukrainas Volodymyr Zelensky në një video-mesazh thotë se ata nuk do të thyhen.
“Lufta nuk e ka ndalur jetën në vendin tonë dhe nuk do ta ndalojë atë. Sigurisht që nuk do mbetemi peng të tmerrit që pushtuesit kanë sjellë në vendin tonë. Ne nuk do t’i bindemi. Ne do të ngulmojmë. Ne do të mbrojmë atë që është e jona. Ne do të fitojmë”.
Më 24 shkurt, Presidenti rus Vladimir Putin njoftoi nisjen e një operacioni të posaçëm ushtarak bazuar në një kërkesë të krerëve të republikave të Donbasit.
Putin thotë se Moska nuk kishte plane për të pushtuar territoret e Ukrainës dhe qëllimi ishte çmilitarizimi dhe denazifikimi i vendit. Si kundëpërgjigje, Perëndimi vendosi sanksione të ashpra ndaj Rusisë.