Këtë mëngjes, kryeministri Edi Rama bëri me dije se ministri Arben Ahmetaj nuk do të jetë më zv/kryeministër dhe se këtë post e merr Belinda Balluku, ministre e Infrastrukturës dhe e Energjisë.
Nënkryetari i LSI-së, deputeti Petrit Vasili shpreh çudinë sesi Rama e shkarkon kur e quan atë të suksesshëm, madje bën edhe një krahasim me kohën e komunizimit, ndërsa më ironi thotë që Rama duhet t’i linte postin e kryeministrit meqenëse qenka kaq i suksesshëm.
“Ahmetaj ka mbajtur edhe postin e ministrit të Rindërtimit, madje në një kohë mbulonte edhe probleme të pandemisë, sa i takon mbështetjes logjistike. Ai tha se ne e kemi përballuar pandeminë 10 herë më mirë se Gjermania. Po tani si iku si kryeministër? Në Partinë e Punës, para se t’i pushkatonin nganjëherë i dekoronin. Nuk besoj se ikën për inceneratorët, pasi i pari këtu është Veliaj dhe duhet të ikte i pari. Nëse Ahmetaj përmbushi me sukses rindërtimin, po pse nuk dha dorëheqjen Rama dhe të zëvendësonte ky? Edi Rama nuk njihet për ndonjë sukses”.