Pandemia e Covid-19 është ende në mesin tonë, dhe shifrat kohët e fundit janë rritur frikshëm, ndaj edhe shtetet anëtare të Bashkimit Europian duhet të nisin përgatitjet për valën e re të pandemisë, që mund të ndodhë në vjeshtë dhe dimër, tha Komisionerja për Shëndetësi dhe Siguri Ushqimore e BE-së, Stella Kyriakides.
Po ashtu tha paralajmëroi se nuk ka vend për vetëkënaqësi, pasi pandemia nuk ka përfunduar. “Fatkeqësisht pandemia ka treguar rritje shqetësuese në disa shtete”, tha ajo për radion shtetërore të Qipros.
“Në dy muajt e fundit, ne jemi duke u përgatitur për vjeshtën dhe dimrin, të vetëdijshëm plotësisht se vala e re e pandemisë nuk mund dhe nuk duhet të rëndojë edhe më shumë ekonomitë dhe shoqëritë tona, veçanërisht në kohën kur ato janë prekur nga pushtimi rus i Ukrainës dhe inflacioni”.