Ministrja e Europës dhe e Punëve të Jashtme, Olta Xhaçka këtë të hënë mbajti një konferencë të përbashkët për mediat me homologun e saj portugez, Joao Cravinho. Në fjalën e saj, Xhaçka vlerësoi mbështetjen e dhënë nga Portugalia në rrugën e Integrimit Europian të Shqipërisë.
“Mbajtja e KNQ-së, nënkupton se BE ka miratuar punën dhe arritjet tona. Shkëmbyem mendime mbi ecurinë e marrëdhënieve dypalёshe mes vendeve tona. Ne e vlerësojmë vizionin realist qё Portugalia ka ndaj Ballkanit Perëndimor. Ballkani i Hapur, vlerёsuam se përbën një shembull pozitiv për marrëdhëniet e fqinjësisë së mirë. Kjo përpjekje mbështetet për të thelluar bashkëpunimin ekonomik rajonal, në një mënyrë që promovon integrimin me BE. Rigjallërimi i perspektivës së integrimit të vendeve të rajonit dhe Ukrainës, instrument efikas për të inkurajuar forcimin e paqes. Bashkëpunimi në kuadrin e organizatave ndërkombëtare, ekzistojnë mundësitë për një bashkëpunim të frytshëm”, tha Xhaçka.
Po ashtu ministrja e Jashtme më tej shtoi: “Shqipëria në KS vlerësohet lart pёr lidershipin e saj në çështjet sensitive që trajtohen. Portugalia do tё vijojё tё na mbështes nё sfidat e agjendёs sonë tё përbashkët ndёrkombёtare. Diskutuam me kolegun Craninho mbi rrugët e intensifikimit të dialogut politik”.