Kryetari i Bashkisë Mat Agron Malaj ka reaguar pas situatës problematike të krijuar javën e fundit. Malaj deklaroi se ka ngritur një task-forcë e cila pritet të dalë në terren për të identifikuar të gjitha ndërhyrjet e paligjshme që mund të jenë bërë në rrjetin e furnizimit me ujë të pijshëm për qytetin e Burrelit.
Kryebashkiaku vuri në dukje se fshatrat më problematikë janë Mallunxa, Shoshaj dhe Zenishti, të cilat edhe pse kanë ujë vaditës nga kanali i Klosit, nuk e përdorin.
Malaj paralajmëroi të gjithë ata që do të konstatohen se kanë ndërhyrë në rrjetin e ujit të pijshëm, se do të përballen me të gjitha dispozitat ligjore që parashikon ligji në këtë rast.
Kryetari i Bashkisë Mat nënvizoi se dy investime tē rëndësishme, ujësjellësi i 17 fshatrave tē Derjanit, Macukullit dhe Rukajve si dhe rrjeti i brendshëm nē qytetin e Burrelit do ta zgjidhin përfundimisht çështjen e furnizimit me ujē të banorëve të Matit.