Policia Kufitare ka gjobitur dy persona, të cilët rrezikuan jetën e pushuesve duke kryer manovra të rrezikshme me mjete lundruese.
Shërbimet e Policisë Kufitare Sarandë, në vijim të kontrolleve për parandalimin dhe goditjen e paligjshmërisë, me qëllim krijimin e një ambienti të sigurt për pushuesit, kanë marrë njoftim për dy shtetas që kryenin manovra të rrezikshme me mjete lundruese, në det, duke rrezikuar pushuesit.
Pas lokalizimit të mjeteve lundruese, ndëshkuan me masë administrative 10.000 lekë të rinj secili, pronarët e mjeteve lundruese, shtetasit G. Zh., 35 vjeç dhe A. H., 45 vjeç, të dy banues në Sarandë.
Gjithashtu u bë bllokimi i mjeteve të tyre, si dhe i një mjeti tjetër lundrues në pronësi të 45-vjeçarit, për mungesë dokumentacioni.