“Një ndjenjë lirie, ndershmërie dhe qartësie”, kjo është ajo që përjeton tashmë ish-famullitari i kishës së San Felice di Massa Martana, Riccardo Ceccobelli, i cili vendosi të linte priftërinë për dashurinë e një gruaje.
Prifti e shpalli vendimin e tij në fund të meshës në kishën e famullisë, me peshkopin Gualtiero Sigismondi pranë tij.
Ai konfirmoi se “dëshironte të jetonte dashurinë ” me gruan që ai tha se e njihte prej të paktën katër vjetësh, duke nënvizuar se “premtimi i bërë peshkopit për të qenë prift deri në fund nuk ka dështuar kurrë”.
“Kam filluar të kem një ndjenjë të re ndaj kësaj gruaje vetëm disa muaj më parë, se si mund të ketë ndodhur nuk e di”, tha ai. “Isha i habitur dhe i frikësuar për dashurinë që më erdhi nga brenda. Ishte një vendim shumë i vështirë për të marrë largimin nga priftëria. Në rrugën time kam qenë gjithmonë i shoqëruar nga peshkopi, i cili më ndoqi si një baba. Që në momentin e parë fola me të sepse doja të ndiqja një rrugë transparente, të qartë, të ndershme, pa bërë asnjë skandal ”.
“Më lejoni të paktën të filloj këtë marrëdhënie, deri më tani nuk kemi qenë as të fejuar. Historia jonë do të vazhdojë nëse do Zoti”, tha ai duke buzëqeshur.