Ish-kryebashkiaku i Kamzës, Xhelal Mziu, është paraqitur sot në SPAK. Deputeti demokrat do të merret sot në pyetje. Nuk dihen ende arsyet se pse Mziu do të merret në pyetje, ndërsa të tjera detaje pritet të zbardhen.
SPAK-u është kthyer në vendin më të populluar për politikanët, ku me ironi mund të themi që është kthyer në një zonë ”blloku”. Çdo ditë zyrtarë paraqiten aty, si kurrë më parë.
Me kaq shumë përqëndrim politik tek SPAK-u, kjo e fundit mund të jetë në fazën që po i merret fryma, nga kaq shumë presion që lëshohet çdo ditë mbi të. Të gjithë duam drejtësi, të shohim zyrtarë pas hekurave nëse kanë abuzuar me postin, por NJË SPAK është, dhe problemet janë njëqind.
Vizitat e zyrtarëve tek SPAK-u janë edhe një tregues që problemet janë, por ZGJIDHJA dhe DËNIMI i tyre ndodh rrallë, ose ndodh kur direktivat i jep pushteti. Në vend të një trendi të vajtjes në SPAK, politika duhet ta lërë të qetë SPAK-un që të hetojë skandalet që denoncohen çdo ditë, pasi shqiptarët presin drejtësi, nuk duan më tallava politike.