Para se të bëhej aktor dhe personazh televiziv, Gentian Zenelaj tregon se dikur ka punuar në ndërtim.
Në një intervistë për “Pushime on top” nga bregdeti i Shëngjinit, ai ndau disa momente nga rinia e tij.
Aktori tha se ishte 17 vjeç kur dy policë e ndaluan për t’i kontrolluar çantën në të cilën mbante bukën, pasi dyshonin se kishte dinamit.
“Kam një skenë epike. Ka qenë periudha e 96’ kur punoja në ndërtim, isha i ri. Dilja nga shtëpia ime shkoja në bregdet dhe shkoja në Kune, ku kishin nisur të ndërtoheshin vilat e para. Kisha çantën e bukës dhe bluzën me vete. Dëgjoj dy njerëz që më thërrisnin, kthej kohën dhe shoh dy policë me armë në dorë që më thonë ‘Mos lëviz’. Unë atëherë mund të isha 17-18 vjeç, më thanë: “Hap çantën! Mos lëviz! Policia kontroll.” Ishte periudha kur njerëzit hidhnin dinamite. Kishte kontrolle se nuk ka pasur kaq njerëz sa sot. E kam episod shumë interesant. Ato policët i takoj edhe sot, i kam miq. Kisha vetëm bukën, po shkoja në ndërtim”, deklaroi Zenelaj.