Një 59-vjeçar ka vrarë të ëmën mëngjesin e së martës në Selanik, kur kjo e fundit i ka kërkuar një gotë ujë, teksa sot mediat kanë publikuar detaje nga ngjarja e rëndë.
Protothema.gr. shkruan se burri vuante nga probleme të shëndetit mendor. Ai ka thënë para organeve të drejtësisë se e ka mbajtur dhe është kujdesur për të ëmën për pesë vite me radhë dhe se nuk duronte më, shkruan abcneës.al.
Sipas gjetjeve të mjekoligjore, 84-vjeçarja fatkeqe u konstatua të nxira në fytyrë. Pjesa më e madhe e goditjeve duket se janë bërë me duar, ndërsa është konstatuar edhe një plagë nga një objekt i mprehtë, me shumë mundësi shishe qelqi e thyer.
Sipas informacioneve, dyshohet se autori e ka mbytur viktimën në fund. E moshuara është gjetur e pajetë nga djali tjetër, i cili ka lajmëruar menjëherë policinë.