Analisti Fatos Lubonja ka komentuar mbrëmjen e sotme në emisionin ‘Open’, letrën e Autoritetit të Dosjeve, ku tregonte se një politikan i lartë me iniciale I.M, ka qenë ish-sigurims i Shtetit.
about:blank Lubonja tha se kjo ishte një intrigë politike e qepur shumë keq, por që sipas tij ka dorë dhe Rama.
“Ka qenë apo jo është çështjes e ekspertëve. Por s’mund të them që ka qenë ose s’ka qenë kur s’ka dokumente. Unë mund të flas nëse Shqipëria është marrë apo jo me luftën kundër komunizmit.
Intrigë politike e qepur shumë keq. Nuk arrij ta besoj që të jetë qepje as nga Edi Rama, pasi ai është mjeshtër i qepjes së intrigave. Ça thonë ka qenë dhe ça jo. Doli një Fatjon dhe tha s’ka qenë Ilir Meta. Procedura është krejt e paqartë. Për çfarë bëhet fjalë? Për bashkëpunëtor të sigurimit të shtetit që rekrutoheshin në bazë të disa kategorive, ato patriotike apo ato me shtrëngim. Aty ai bënte një deklaratë dhe aty i vihej një pseudonim. A bëhet fjalë për një dosje të tillë apo për një denoncim të një personi. Apo ka raste kur ai që arrestohet thotë, kam folur me Andi Bushatin. Dhe shkojnë e kapin dhe Andin. Ajo që është skandaloze, është se si ka mundësi që me një e-mail anonim, një institucion serioz, të veprojë kaq shpejt pa sqaruar, me një I.M. Del dhe ajo e parlamentit dhe merret ajo me një ‘tronditje të madhe’. Ajo nuk është tronditur dhe për gjerat më të mëdha”, tha Lubonja.