Forca e mjete të shumta të Bashkisë Mat janë angazhuar orët e fundit për të mbrojtur një masiv me pyje në Qafë Shtamë, në afërsi të vilës së Mbretit Zog.
“Zjarri në brendësi të vatrës është ende aktiv pasi ka shumë lëndë drusore të rrëzuar dhe tharë ndër vite. Forca të Drejtorisë së Bujqësisë, zjarrfikës, drejtues e punonjës të Njësisë Administrative Komsi, punonjës të sektorëve të tjerë të Bashkisë Mat u angazhuan për disa orë, në një terren mjaft të vështirë, derisa mundësuan izolimin e vatrës së zjarrit”, bënë me dije zyrtarë të Bashkisë Mat.
Policia lokale ka mbërritur në vendin e ngjarjes dhe po heton për zbardhjen e saj. Largësia e masivit nga rruga është mbi tri orë, çka do të thotë se zjarri është i qëllimshëm, i vënë nga çobanë të zonës ose persona që mbledhin bimë medicinale.
