Policia e Fierit ka vënë në pranga babë e bir, pasi në bashkëpunim me njëri-tjetrin, ushtronin veprimtaritë kriminale të kultivimit, prodhimit dhe shitjes së narkotikëve. Në kërkim është shpallur djali tjetër, Damirel Hoxhaj.
Uniformat blu ushtruan kontroll në banesën e Arshi dhe Eltjon Hoxhajt, ku gjetën dhe sekuestruan rreth 8 kg lëndë të dyshuar narkotike cannabis sativa, 2 armë gjahu pa leje, 2 automjete dhe 40.800 euro e 3000 dollarë, të dyshuara të përfituara nga aktivitetet kriminale.
Gjithashtu, në vijim të kontrolleve, në një sipërfaqe toke në pronësi të këtyre shtetasve, u gjetën të kultivuara 163 bimë kanabis.