Në Aeroportin Ndërkombëtar “Nënë Tereza” u inaugurua sot Terminali i ri, ku u shtuan 8 porta të reja, dhe hyn në fuqi teknologjia në leximin e pasaportave.
I pranishëm në këtë inaugurim ishte kryeministri Edi Rama së bashku me Zëvendëskryeministren dhe Ministren e Infrastrukturës dhe Energjisë Belinda Balluku. Po ashtu i pranishëm ka qenë edhe Leonard Kastrati i cili tha se viti 2020 u mbyll me plot 1.3 milionë pasagjerë këtë aeroport.
Ai shtoi se për vitin 2022 synohet që të arrihet një shifër rekord prej 4.9 milionë pasagjerë që do të kalojmë përmes Rinasit.
Kastrati: Gjithçka filloi kur vendosëm që të blejmë aeroportin nga kinezët në vitin 2020. Vitin 2020 u mbyll me 1.3 milionë pasagjerë. Pavarësisht se me pandemi gjithçka dukej e zymtë, “Kastrati Group” pa potencialin e këtij aeroporti dhe mbarë Shqipërisë. Sapo morën këtë aeroport ulëm çmimet dhe afruam kompanitë low cost. Pas një 1.5 vitesh TIA ka bërë një transformim duke u reflektuar nga numri i pasagjerëve. Sot kemi linja direkte për 66 destinacioneve nga 31 që kishim para pandemisë. Parashikojmë që vitin 2022 ta mbyllim me 4.9 milionë pasagjerë.