Një 47-vjeçare italiane, e quajtur Tiziana Morandi, është arrestuar, pasi akuzohet se mashtronte meshkujt me të cilët shoqërohej.
Mediat italiane raportojnë se Morandi i drogonte ata duke përdorur qetësues, në mënyrë që t’iu merrte sende me vlerë dhe paratë.
Historitë e viktimave të mashtruara nga Tiziana Morandi janë të shumta, me të paktën gjashtë meshkuj të moshës nga 27 deri në 84 vjeç, që kanë rënë pre e skemës së saj.
Autoritetet nisën të mbledhin ankesat e para, duke filluar nga ajo e një 83-vjeçari, të cilit i është afruar gruaja me justifikimin e një koleksioni bamirësie. Ai ka raportuar se e zuri gjumi në shtëpi, pasi piu çaj kamomili me 47-vjeçaren. Pas drogimit, ajo i kishte vjedhur sende ari, para cash dhe karta krediti.