Një grua ka rrahur një mjek në spitalin Carlo Poma në Mantua. Ajo pretendoi se ishte e shtruar në psikiatri edhe pse nuk kishte nevojë dhe, përballë refuzimit të mjekut të urgjencës, ajo e rrahu atë.
Mjeku raportoi për traumë në krah, ndërsa pacientja u raportua për ndërprerje të shërbimit publik.
Gruaja shkoi në urgjencë duke thënë se ishte grindur me burrin e saj dhe se kishte nevojë për shtrimin në repartin e psikiatrisë pasi nuk donte të shkonte në shtëpi. Mjeku thirri një koleg psikiatër për një konsultë, i cili përjashtoi nevojën për shtrimin në spital. Në atë moment gruaja u tërbua dhe filloi të ofendonte të dy mjekët.
E teksa ata e shoqëruan në dhomën e pritjes me karrocë, ajo tentoi ta godiste me bastun në kokë mjekun, ndërsa ai ngriti krahun e tij. Më pas pacientja abuzive u qetësua falë ndërhyrjes së mjekëve dhe infermierëve të tjerë.
Prillin e kaluar i njëjti mjek, po ashtu gjatë shërbimit në urgjencë, u godit me grusht në fytyrë nga një pacient i inatosur pasi sipas tij, teksa priste në dhomën e pritjes për ekzaminim, i kishin vjedhur pantoflat.