Zjarre të përhapura në sipërfaqe të mëdha kanë përfshirë Novoselën këtë mbrëmje.
Një vatër ndodhet pranë autostradës në Vlorë. Në vendin e ngjarjes kanë mbërritur dy zjarrfikëse dhe po luftojnë me flakët. Nuk dihet ende se si janë aktivizuar flakët, nëse bëhet fjalë për zjarr të qëllimshëm apo jo.
Shtatë efektivë po punojnë për shuarjen e tij. Ditët e fundit Shqipëria është përfshirë sërish nga flakët. Vatra të ndryshme zjarri janë aktivizuar në Shkodër, Elbasan, Vlorë dhe Fushë Krujë. Ndërhyrje nga ajri ka pasur vetëm në Bukmirë.