Një 14-vjeçari ka qenë fillimisht duke peshkuar buzë lumit Seman në fshatin Suk 1 dhe dyshohet se më pas është futur për t’u larë dhe është zhdukur.
Sot pas një ditë nga ngjarja, vijojnë kërkimet për të. Polumbarët po punojnë për gjetjen e 14-vjeçarit, ndërsa shpresat që ai të gjendet i gjallë janë të pakta, pasi dyshohet të tjetër mbytur.
Vëllai i 14-vjeçarit, thotë se ditën e djeshme e ka lënë në shtëpi, por pasdite ka gjetur rrobat e tij në bregun e lumit Seman. Ai shprehet se nuk e di çfarë ka ndodhur me vëllain.
“Dilnim bashkë për të peshkuar, dje e lashë në gjumë dhe vetë dola. Pasdite gjeta rrobat e tij në breg të lumit. Nuk e dimë se çfarë ka ndodhur. Këtu vinim bashkë për peshk dhe në një vend tjetër”, tha i vëllai.
Para 12 vitesh familjes i është mbytur një tjetër fëmijë, në të njëjta rrethana.