Shkodra, Durrësi janë dy qytetet që kanë dhënë firmat qytetarët për shkarkimin e dy ministrave, dhe të drejtorit të Policisë së Shtetit, si përgjegjës për tragjedinë e Himarës, ku humbi jetën 7-vjeçarja Jonada Avdia.
Aktivistja Eliona Shkreli tha se në qyetin verior u mblodhën rreth 405 firma vetëm ditën e djeshme. Ajo u shpreh se pritshmëritë janë që në të gjithë vendin të mblidhen 50 mijë firma për shkarkimin e ministrave.
“Filloi në Shkodër, nesër do jemi edhe në Velipojë. Ka filluar sot në Durrës, do të fillojë në Tiranë. Do të shtrihet kjo nismë në të gjitha bashkitë e vendit. Më ka bërë përshtypje në Shkodër, sepse nuk e prisja të kishte aq shumë, se kemi marrë diku te 405 firma vetëm ditën e djeshme. Kishte sidomos shumë emigrantë shqiptarë që kishin ardhur nga Italia. Peticioni është edhe online. Në pritshmëritë tona nuk diskutohet 50 mijë firma, mund të jetë edhe më shumë. Në Shkodër, duke parë këtë interes, beesoj me mbi 3-4 mijë firma”, theksoi ajo.