Pushtimi i Afganistanit nga talebanët, sot shënon 1 vjetorin. Shqipëria hapi dyert për strehimin e afganëve që kishin punuar për SHBA-së, pasi u rrezikohej jeta në atdheun e tyre. Që nga kthimi në pushtet në gusht 2021, talebanët kanë kufizuar të drejtat themelore të grave dhe kanë shtypur ata që kanë protestuar kundër saj. Asnjë vend nuk e ka njohur deri më tani qeverinë de fakto të talebanëve.
Ekspertët thonë se kërcënimi më i madh për talibanët është përçarja në rritje. Përçarjet janë zgjeruar ndërsa fraksionet rivale luftojnë për fuqinë politike dhe burimet ekonomike.
Asnjë shtet nuk i ka njohur talibanët. Por, fuqitë perëndimore të prira për të zbutur politikat e ashpra të talibanëve dhe për të shmangur një katastrofë humanitare në Afganistan, kanë vazhduar dialogun me grupin ekstremist.