Kreu i Grupit Parlamentar të PS Taulant Balla paralajmëroi zhvillime në adresë të Sali Berishës me nisjen e sesionit të ri parlamentar në muajin shtator.
Teksa postoi një foto të Berishës në anë të Enver Hoxhës, Balla e quan absurde dhe të papranueshme faktin që sipas tij një sekretar partie dhe njeri i afërt me udhëheqjen e diktaturës komuniste, i shpallur non grata nga Shtetet e Bashkuara të Amerikës dhe Britania e Madhe, vazhdon të përdhosë këtë institucion me praninë dhe gjuhën e tij.
“Kuvendi i Shqipërisë do të adresojë gjatë sesionit të ri që fillon në Shtator situatën e papranueshme dhe absurde se si një sekretar partie dhe njeri i afërt me udhëheqjen e diktaturës komuniste, i shpallur non grata nga Shtetet e Bashkuara të Amerikës dhe Britania e madhe, vazhdon të përdhosë këtë institucion me praninë dhe gjuhën e tij”, shkruan Balla.