Pas koncertit të tij “Alpha Show” në 14 gusht në sheshin “Nënë Tereza”, Noizy shprehet se “i ka hapur punë vetes”.
Rreperi deklaroi se pas koncertit kanë vendosur që ftesat për të kënduar në vijim nëpër Europë t’i organizojë në salla të mëdha me bandë live.
“Do të jetë një eksperiencë e re. Kjo në fakt duhet të bëhej shumë më përpara,” – u shpreh artisti.
Noizy tha se ky vendim do të ndikojë 100% në rritjen e tarifës për të parë live atë.