Ndryshe nga presidenti Bajram Begaj që tregoi një mbështetje për nismën rajonale “Open Balkan”, Ilir Meta e quajti Serbinë një vend grabitqar dhe u shpreh kategorikisht kundër përfshirjes së Shqipërisë.
“Reagimi im ka qenë pak më i përmbajtur në të kaluarën, për shkak të detyrës si President. E dini shumë se cili është qëndrimi i Presidentit të Malit të Zi (Gjukanoviç) i cili e njeh më mirë se kushd tjetër fqinjin e tij verior dhe grabitqar të pandryshueshëm, për fat të keq. Edhe Presidenti i Maqedonisë së Veriut ka shprehur rezerva.
Të gjithë e dimë që kjo është një nismë që synon të minojë perspektivën e qartë europiane të rajonit tonë. Procesi i Berlinit është tepër serioz, i cili garanton të gjitha synime gjoja të mira që garanton Ballkani i Hapur. Pa dyshim që duhet të forcojmë marrëdhëniet, por gjithmonë mbi baza partneriteti, jo vasaliteti”.