Nëkomisarja Anita Kostani numëron rreth 13 mijë ndjekës në rrjetet sociale dhe nuk nguron të pozojë shpesh herë foto “hot” duke ekspozuar format e saj.
Kostani është bërë e njohur për publikun për bashkëjetesën me gjarpërinjtë, por ajo u kthye ditën e djeshme në qendër të vëmendjes, për shkak të një reagimi në rrjetet sociale, ku ofendonte gazetarët. Ajo pretendonte se zero vrasje ka vetëm në parajsë dhe iu kërkonte qytetarëve të Elbasanit të kulturoheshin.
Ajo nuk u ndal me kaq, por edhe nëpër komente vazhdoi me ofendime dhe kërcënime ndaj gazetarëve me shprehjet: “Do përfundojnë poshtë gomave të makinës” apo “Të na hanë … se kemi të shijshëm”.
Reagimi i saj erdhi pas vrasjes së 33-vjeçarit Madrit Ulqinaku në qendër të Elbasanit, ku policia identifikoi autorin 18-vjeçar Horgito Peqini, por që nuk ka arritur ta kapë ende.
