Një 81-vjeçare nga Danimarka u kap me heroinë në aeroportin e Varshavës, në Poloni. Gruaja po udhëtonte nga Afrika në Kanada, dhe kishte në valixhen e saj heroinë me vlerë mbi 515.000 dollarë.
E moshuara pohoi se nuk ishte në dijeni të drogës brenda valixhes. Ajo tha se anëtarët e familjes i kishin dhënë valixhen me dhurata për të afërmit në Kanada, sipas Aleksandra Skrzyniarz, një zëdhënëse e zyrës së prokurorit në Varshavë.
Oficerët e doganave në aeroportin Frederic Chopin vendosën të kontrollonin bagazhin e të moshuarës, teksa ajo po kalonte tranzit, pasi dyshuan për itinerarin e saj dhe sjelljen e çuditshme.
Në fund të valixhes që kishte me vete 81-vjeçarja u zbuluan pako me pesë kilogramë heroinë.