Kur u pyet për vrasjen e Darya Duginas, vajzës së një ultra-nacionalisti rus, në një sulm me bombë me makinë pranë Moskës, zëdhënësi i Departamentit të Shtetit u shpreh se Shtetet e Bashkuara dënojnë pa mëdyshje shënjestrimin e qëllimshëm të civilëve kudo.
Në konferencën për mediat, zëdhënësi Ned Price nuk pranoi të komentonte nëse Washingtoni e dinte se kush qëndronte pas sulmit.
Shërbimi Federal i Sigurisë i Rusisë akuzoi shërbimet sekrete të Ukrainës për vrasjen e Dugina-s, transmeton Telegrafi.
Zyrtarët ukrainas kanë mohuar çdo përfshirje në shpërthim.
Gazetarja Darya Dugina, 29 vjeçe, vdiq të shtunën kur një automjet që ajo po drejtonte shpërtheu pranë kryeqytetit të Rusisë.