Edhe pse me vite ajo ka treguar se nuk ka pasur mbështetje qeveritare, por kurrë nuk u dorëzua. E arta Luiza Gega, Kampione e Europës në atletikë, sot do të nderohet me një ceremoni në bulevardin “Dëshmorët e Kombit”.
Kryeministri Edi Rama ftoi ditën e djeshme qytetarët që të duartrokasin kampionen e parë europiane të atletikës me fanellën kuqezi të Shqipërisë, sot në orën 11:00.
Si asnjëherë më parë Shqipëria tashmë ka edhe një kampione europe në atletikë dhe ajo është e vetmja sportiste shqiptare në këtë sport elitar, Luiza Gega. Në finalen e garës së 3000 m/p atletja shqiptare befasoi këdo, përveç vetes.
