Sot në orën 11:00, në gjykatën e Elbasanit do të dalin për të marrë masën e sigurisë, shtetasit Mikhail Zorin, lindur në Moskë e banues në Çeku, aktualisht student për kime në Pragë, Fedit Alpatov lindur dhe banues në Kiev dhe Svetlana Timofeeva me dy adresa banimi, njëra në Moskë dhe tjetra në Tbilisi.
“Nga pyetja e tyre deri në këtë fazë të hetimit, ka rezultuar baza e arsyeshme e të dhënave që krijon dyshimin e bazuar në prova se të dyshuarit kanë ardhur në Shqipëri me mision, të rekrutuar nga shërbimet e inteligjencës ruse me detyra të përcaktuara”, kjo një nga gjetjet e prokurorisë së Elbasanit mbi të cilën do kërkojë “arrest me burg”.
Prokuroria thotë se mes provave të bllokuara nga njësia e antiterrorit janë edhe dy dronët, një bombël e përdorur në formë spraji neoroparalizues, pajisje kampingu etj. “Është urdhëruar kyqrja e kamerave të sigurisë, në pikat e kalimit kufitar prej nga kanë hyrë këta shtetas dhe këto pamje konsiderohen gjithashtu provë materiale.