Një luftë mund të shpërthejë shumë shpejt mes Kosovës dhe Serbisë. Mesazhi “bombë” i koduar se Beogradi po kërkon të pushtojë sërish Prishtinën ka ardhur nga presidenti i Serbisë, Aleksandër Vuçiç, i cili e çoi edhe një hap më tej retorikën e tij të luftës me Kosovën, kësaj here duke u thirrur në ndihmën e miteve dhe legjendave mesjetare serbe.
Një referencë e tillë, në deduksionin më të thjeshtë të implikimeve logjike të saj, paralajmëron luftë. Ja çfarë tha Vuçiç në Oseçinë të Serbisë pasditen e së premtes:
“Në një kishë në Serbi, rriten gjashtë pemë kumbulla të përdredhura në drejtim të Kosovës. Gjersa ushtria sillej rreth kishës pas kungimit, kumbullat u përdrodhën në atë drejtim, duke u lutur bashkërisht për fitoren e kalorësve serbë, kështu thotë legjenda, dhe thotë se ato gjashtë kumbulla do të bëhen të drejta kur të kthehet ushtria fitimtare në Serbi”.
Kujtojmë se presidenti i Serbisë, një retorikë më konkrete lufte, të pangjyer me misticizëm, e zhvilloi edhe më 31 korrik, një ditë para se të niste zbatimi i masave të reja të qeverisë kosovare. Madje, fjalimi i tij në televizionin nacional, u interpretua si i njëjtë me atë të Sllobodan Millosheviçit, në Gazimestan më 1989 kur fliste për ‘beteja të armatosura’.