Tre të rinjtë që u arrestuan pasi akuzohen se tentuan të digjnin me benzinë një 16-vjeçare, dolën sot para Gjykatës së Tiranës.
Ardit Çela, ish-partneri i adoleshentes së sulmuar, u shfaq i nervozuar para togave të zeza, madje në një moment ka kërcënuar edhe median.
Në përfundim, gjykata vendosi që 25-vjeçarin ta lërë në burg deri në përfundim të hetimeve nga ana e prokurorisë.
Ndërkohë, dy miqtë e tij janë liruar nga qelia dhe do të hetohen me masën e sigurisë së detyrimit për t’u paraqitur në prokurori. Ata akuzohen për përkrahje të autorit të krimit.