Një 55-vjeçar është vetëplagosur me kallashnikov pasditen e kësaj të shtune, teksa ndodhej në banesën e tij në fshatin Kllojkë.
Bëhet fjalë për shtetasin me iniciale H.Ll., i cili është transportuar për në spital, ndërsa po hetohet për rrethanat e ngjarjes.
“Më datë 27.08.2022, në fshatin Kllojkë, shtetasi H. Ll. (Xh)., 55 vjeç, dyshohet se është vetëplagosur me armë zjarri, dhe po transportohet në spital. Në vendngjarje është gjetur dhe sekuestruar, në cilësinë e provës materiale, arma e zjarrit kallashnikov, e dyshuar e përdorur gjatë ngjarjes. Grupi hetimor po punon për sqarimin e rrethanave të ngjarjes”, thuhet në njoftimin e policisë.