Tre persona në Guatemala, të cilët kishin rrëmbyer dhe vrarë një 11-vjeçar, janë djegur të gjallë.
Selvin Pérez, 24 vjeç, Samuel Godínez, 38 vjeç dhe Ovidio Méndez, 24 vjeç u arrestuan dhe u dërguan në stacionin e policisë. Banorët e fshatit Xémal, të cilët kërkonin dënimin ekstrem për kriminelët, arritën që të merrnin nga duart e policisë njërin prej burrave, i cili pranoi se i mituri ishte qëlluar në kokë dhe ishte varrosur në një gropë.
Si kundërpërgjigje, vendasit e dogjën të gjallë, ndërsa më pas sulmuan komisariatin dhe dogjën dhe dy personat e tjerë.
Rrëmbyesit kishin kërkuar 1,900 dollarë për lirimin e të miturit. Pavarësisht se arritën ta merrnin shumën që kërkuan, i mituri nuk u kthye kurrë te familja.