Një vorbull lajmesh për dyndje të emigrantëve të paligjshëm shqiptarë drejt Britanisë së Madhe ka pushtuar mediat e këtij vendi, kohët e fundit. Por studiuesi dhe shkrimtari i njohur Kenan Malik i konsideron ato, gënjeshtra të poshtra dhe propagandë të qeverisë britanike.
Në një opinion të kësaj të diele, ai hedh poshtënjë shkrim të së përditshmes Dailymail, ku flitet për rritje të madhe këtë vit të numrit të shqiptarëve që kalojnë ilegalisht nga Franca në Britaninë e Madhe përmes kanalit të Anglisë. Për më tepër, kjo e përditshme i referohej të dhënave sekrete të zbulimit ushtarak.
Studjuesi britanik ka publikuar të dhënat e Ministrisë së Brendshme britnaike të drejtuar nga Priti Patel, ku thuhet se 6 muajt e parë të këtij viti, klandestinët shqiptarë janë shtuar këtë vit, por përbjënë vetëm 17% të totalit të emigrantëve ilegalë që hyjnë me varka. Një tjetër kontradiktënë të dhënat e qeverisë, sipas tij është trumpetimi i fortë se shqiptarët nuk përfitojnë azil pasi vijnë nga një vend i siguritë origjine dhe janë emigrantë që synojnë një jetë më të mirë në Britani nga pikëpamja financiare. Të dhënat tregojnë se vetë qeveria britanike ka aprovuar nga Janari deri në Qershor, 53% të kërkesave për azil nga shqiptarët që me vendimin e parë. E lartëështë përqindja edhe me kërkesat e dyta e në vazhdim pas refuzimit të parë.
Malik shkruan se Statistikat e Home Office ekspozojnë zbrazëtinë e propagandës së Ministrisë së Brendshme britanike, madje gënjeshtrën e saj – siç shprehet ai. Kjo jo për faktin se njerëzit janë irracionalë ose sepse janë indiferentë ndaj fakteve, por sepse faktet kuptohen gjithmonë brenda një kornize të caktuar, si pjesë e një narrative ose historie”, përfundon shkrimin lektori i universiteteve të Oksfordit dhe Kembrixhit.