Gazetari i njohur, Lutfi Dervishi ka ironizuar me lajmet për dorëheqjen apo jo të Gledis Nanos si Drejtori i Përgjithshëm i Policisë së Shtetit. “Ngulmimi i disa mediave për ta patur lajm kryesor dorëheqjen të kujton historinë e Nastradinit me gomarin! Nastradin të lutem ma jep gomarin hua vetëm për sot se ta kthej nesër mëngjes”.
Postimi i plotë
I zoti punës tha: “as kam dhënë dhe as kam ndërmend të jap dorëheqjen!
Ngulmimi i disa mediave për ta patur lajm kryesor dorëheqjen të kujton historinë e Nastradinit me gomarin! Nastradin të lutem ma jep gomarin hua vetëm për sot se ta kthej nesër mëngjes!
T’a kisha dhënë megjithë zemër, se ti e di nuk të mbaj gjë ty, por e kam dhënë borxh për dy javë në katundin fqinj.
Në këtë moment gomari, që ndodhej prapa murit, nis dhe pëllet me te madhe!
Hallexhiu shqyen sytë dhe hap gojën…
Në këtë moment Nastradini i’a kthen:
Kë beson ti mua apo gomarin?