Një grup agjentësh të FBI-së amerikane do të mbërrijnë në Malin e Zi për të hetuar një sulm të madh dhe të mirë koordinuar kibernetik kundër institucioneve të vendit.
Ministria e Brendshme e Malit të Zi njoftoi hetimin e përbashkët duke vlerësuar marrëdhëniet e mira mes vendit ballkanik dhe SHBA-së.
Agjencia e Sigurisë Kombëtare të Malit të Zi fajësoi hapur Rusinë për sulmin kibernetik që bllokoi shërbimet “online” si dhe sistemin e shpërndarjes së energjisë.
Zyrtarët malazezë thanë se Rusia ka një motiv të fortë për një sulm të tillë, sepse shteti ballkanik, i konsideruar dikur një aleat i fortë rus, iu bashkua NATO-s në vitin 2017, pavarësisht kundërshtimit të fortë nga Kremlini.
Mali i Zi gjithashtu i është bashkuar sanksioneve perëndimore kundër Moskës për shkak të pushtimit të Ukrainës.