Pesë shqiptarë dhe një gjeorgjian kanë rënë në pranga nga policia greke, pas një operacioni ku u zbulua një plantacion i madh me kanabis.
Parcela me rreth 2,000 rrënjë kanabis është zbuluar në fshatin grek Vila, pranë Athinës, ndërsa zona ishte e rrethuar me aparatë fotografikë, bllokues sinjali, radio për intercom dhe mjete të tjera për kultivimin e bimëve.
Policia kishte informacion se plantacioni ruhej nga persona të armatosur, ndaj në operacion morën pjesë dhjetëra efektivë të forcave speciale greke të pajisur me mjete të blinduara.