Një grua nga Ukraina është arrestuar, pasi akuzohet se ka dërguar vendndodhjet e njësisë së burrit të saj ushtar dhe aseteve të tjera të ushtrisë në inteligjencën ushtarake ruse, raporton Shërbimi i Sigurisë Shtetërore të Ukrainës (SBU).
31-vjeçarja transmetoi informacione për vendndodhjen e ndërtesave dhe pajisjeve ushtarake përgjatë pozicioneve të vijës së parë në rajonet Donetsk dhe Zaporizhzhia.
“Ajo e kalonte informacionin që merrte përmes aplikacioneve të mesazheve tek inteligjenca ushtarake ruse, ku përdorej për sulme artilerie dhe ajrore”, thuhet në një deklaratë të SBU.