Në prangat e Policisë së Shtetit, kanë rënë tre persona, pas disa kontrolleve të befasishme nga Forcat Operacionale dhe Shqiponja.
Një 38-vjeçar me precedentë të theksuar kriminal në fushën e krimeve kundër personit dhe armëmbajtes pa leje është vënë në pranga, pasi qarkullonte me armë zjarri pistoletë me mulli dhe municion luftarak.
Leonard Gjeli po udhëtonte me automjetin e tij “Audi” nga Luzi për në qendër të Fushë Krujës, ku 28-vjeçari Xh.Ç ishte pasagjer, i cili gjithashtu u arrestua.
Në Shkodër u arrestua 33-vjeçari S.M që qarkullonte me armë zjarri dhe municion luftarak, me automjet. Gjatë kontrolleve të befasishme në të gjithë vendin, janë shoqëruar dhjetëra persona me precedentë kriminal për verifikim.