Analisti Lorenc Vangjeli ka thënë se askush nuk ka para të mjaftueshme për të blerë Sali Berishën dhe Ilir Metën, teksa shtoi se e vetmja që nuk ka çmim në Tiranë, është posti i kryeministrit.
Vangjeli tha ndër të tjera se një opozitë më e fortë është më e shëqndetshme edhe për qeverinë, ndërsa paralajmëroi se do të jetë e vështirë për Berishën dhe Metën të vijnë në pushtet:
Pjesë nga debati:
Meta: Opozita do bëhet bashkë me gjithë shqiptarët që kërkojnë ndryshim.
Xhafo: Lorenc Vangjeli ka thënë se Ilir Meta dhe Sali Berisha e kanë provuar të jenë kryeministër dhe nuk i vihet çmim pozicionit të kryeministrit.
Vangjeli: Çdo gjë shitet dhe blihet në Tiranë. E vetmja gjë që nuk ka çmim në Tiranë është posti i kryeministrit. Askush nuk ka para të mjaftueshme në Tiranë për t’ju blerë ju (Metën) dhe zotin Berisha. Unë e kam shumë të lartë dhe nuk më afrohet njeri.
Rama mendonte se një opozitë e dobët do e bënte pushtetin e tij më të fortë, unë mendoj të kundërtën. Një opozitë e fortë është kushti për një qeveri të shëndetshme. Duke reformuar opozitën ju të dy, mendoj se shanset për të ardhur në pushtet nuk janë të larta.
Meta: Kanë qenë ndeshjet e shitura deri tani. Tani është lojë.
Vangjeli: Në këtë lojë nuk është llogaritur ajo që unë kam thënë, shfaqja e aktorit të ri që nuk kontrollohet nga qeveria.