Deputet i Partisë Demokratike, Agron Gjekmarkaj ka pritur sot në një takim në kryesi ambasadoren e SHBA-ve, Yuri Kim.
Me anë të një postimi, Gjekmarkaj shkruan se kanë diskutuar me kryediplomaten për betejat opozitare dhe sfidat demokratike të vendit.
“Një takim miqësor e shumë domethënës sot me Ambasadoren e SHBA, Zonjën Juri Kim në fillim të stinës se re parlamentare.
Shkëmbyem mendime për sfidat demokratike dhe betejat opozitare si dhe rëndësinë jetike të konsolidimit të marrëdhënieve me aleatin tonë strategjik ku gjithëkush në politiken shqiptare duhet të ndiejë përgjegjësinë e vet.
Legjitimiteti i institucioneve është kusht i panegociueshëm për konsolidimin e sistemit demokratik dhe progresin e reformave”, shprehet ai.