Lihet i lirë shtetasi kinez që grabiti përmes mashtrimit 145 mln euro. Shtetasi kinez,Lianbing Chen që u arrestua në korrik në Tiranë, është lënë sot i lirë në masën “arrest shtëpie”, nga prokuroria e Tiranës.
Për këtë rast është përdorur si argument fakti që referuar një akti te Mjekësisë ligjore, i akuzuari nuk mund të qëndroje në qeli , pasi i rrezikohet jeta. Sipas vendimit të firmosur nga gjyqtari Kujtim Vranci, shtetasi Chen lihet në “arrest shtëpie” nën mbikëqyrjen policore.
32-vjecari me profesion programues kompjuterik, u arrestua më datë 11.07.2022, në Rinas duke kryer procedurat e regjistrimit në hyrje. Chen, rezultonte person në kërkim ndërkombëar, për akuzën “Mashtrimit”, me pasoja të rënda. Chen u arrestua si kreu i një grupi kriminal që kanë mashtruar dhjetëra qytetarë kinezë. Aktiviteti gjithashtu ka qenë i shtrirë edhe në Dubai.
Pasi platforma e ngritur online u mbyll, Chen dhe grupi I tij kriminal u zhdukën me 145 mln euro. Shtetasi kinez , mbërriti në Shqipëri nga Dubai dhe dyshohej se do të fshihej në shtetin shqiptar.